LA UNION – Isagsaganan ti pulisya iti kaso kontra iti maipagarup nga illegal recruiter a nangipatulod iti dua a babbai a therapist a napagtrabaho kas prostitute idiay Dubai.
Naammuan ti Bombo Radyo manipud idiay Bauang Police Station, naggiddan a nagreklmo dagiti dua a biktima nga agpada nga agnanaed ditoy La Union kontra iti uppat a saan pay a nainaganan a suspek.
Base iti salaysa dagiti dua therapist iti pulisya, a maipagarup nga inallukoy isuda dagiti suspek a tumulong nga agturong idiay Dubai ken pimmanaw dagitoy ditoy Pilipinas idi October 17, 2017.
Idi a makagteng idiay airport ket nadlaw dagiti biktima a tourist visa ti iggemda, imbes a work visa.
Idiay Dubai, ket dagusda nga imbalud ti maysa nga agency ken saan a ti namnamaenda a trabaho iti naipaaramid kadakuada no di ket prostitusyon.
Kalpasan iti makalawas ket insalakan isuda iti embahada ti Pilipinas ken napaawidda ditoy pagilyan.
