LA UNION – Nakasaganan iti 210 pulis manipud idiay La Union nga agturong kadagiti lugar a pakaisayangkatan iti ASEAN summit tapno mangipaay ti seguridad.
Iti pannakiuman ti Bombo Radyo kenni C/Ins. Silverio Ordinado, spokesperson ti La Union Police Provincial Office (LUPPO), kinunana a ti nasao a bunggot ket naipasidong pay iti civil disturbance management training tapno maipanamnama a maaramid dagitoy a nasayaat ti panangipaay ti seguridad kadagiti bukodda nga assignment.
Mabalin nga agtalinaed iti makalawas agingga nga aglippas ti ASEAN Summit dagiti maipatulod a tauhan ti LUPPO.
