LA UNION – Sumangsango iti kaso a panaglabsing ti Section 5 ken 11 ti Article 2 ti RA 9165 wenno Comprehensive Dangerous Drugs Act ken illigal possesion of deadly weapon ti maysa a baro iti naisayangkat a buy bust operation ti San Fernando City PNP, Philippine Drug Enforecement Agency ken dadduma pay a unit ti kapulisan idiay Barangay 2, San Fernando City, La Union.
Nabigbig iti suspek a ni Bendict Opena, newly identified drug personality ken residente ti Barangay Lingsat, ditoy probinsya.
Nakumpiska manipud iti suspek ti (2) sachet ti napagango a bulong ti maipagarop a marijuana, drug paraphernalia, maysa a kutsilyo ken P500 peso bill a buy bust money.
Kabayatan na, naglibakan met ti suspek a kukua na ti droga a nakumpiskar idinto nga inaklon na nga agar-aramat daytoy iti maipawil nga agas.
