LA UNION – Napukawan iti suplay ti kuryente iti dackel a paset ti Urkaine kalpasan ti inaramid a nalawa a panagatake ti Russia.
Segun kenni Ukrainian President Volodymyr Zelensky a nagusar ti missiles ken drones iti Russia a timmama iti capital da a Kyiv ken kadagiti lugar ti Donetsk, Lviv ken Odesa.
Natamaan pay iti thermal energy plants, iti kadackelan a private energy company idiay Ukraine ket nagresulta daytoy iti nalawa a pannakapukaw ti suplay ti kuryente.
Ibilang ni Zelensky daytoy a kadackelan a panagraut ti Russia idiay Ukraine.
Umabot ngamin iti 120 a missiles ken 90 drones ti naiyuswat.
Impanakkel met ti Russia a natamaan da ti target iti inyuswat da a panagraut.
Siniguro met ti Ukraine a bumales da iti inaramid a panagatake ti Russia.
Segun kadagiti Ukrainian officials, 21 ti natay ken nasurok 100 dagiti nasugatan iti inaramid a missile strikes ti Russia idi November 18, idiay siyudad ti Odesa ken Sumy.
