Nakatuding nga isayangkat da US President Donald Trump, Russian President Vladimir Putin, ken Chinese President Xi Jinping ti kaunaan a three-way meeting dagiti lider iti Estados Unidos, Russia, ken China sadiay Shenzhen inton sumaruno a lawas, kagiddan iti Asia-Pacific Economic Cooperation (APEC) summit.
Segun iti White House, madakamat iti panagtataripnong dagiti nuclear arsenals ditoy lubong ken ti agtultuloy a gyera ti Estados Unidos ken Israel idiay Iran.
Saan met a manamnama a mapagsasaritaan iti gyera ti Russia ken Ukraine gapo iti naisina a negosasyon ti Washington ti nagbaetan iti Kyiv ken Moscow, a saan a karaman iti China.
Kadwaen ni Tesla ken SpaceX CEO Elon Musk ni Trump iti nasao a biyahe, ngem saan a karaman isuna iti summit.
Maaddaan met iti bilateral working lunch da Trump ken Xi, bayat nga awan pay iti nakatuding a one-on-one meeting da Trump ken Putin.
Impasiguro iti opisyales idiay Estados Unidos a saan a madakamat iti panagpatang da Trump ken Xi iti panaglosolos ni Nvidia CEO Jensen Huang wenno iti export controls iti Estados Unidos kadagiti sensitibo a chip technology.
Sakbay nga agturong idiay China, pumanaw ni Trump idiay Washington inton Lunes ken manamnama a sumangpet ditoy Pilipinas iti Martes tapno dar-ayan iti 49th ASEAN Summit.
