Sipapannakkel nga impadamag ni Presidente Ferdinand Marcos Jr. dagiti konkreto a resulta ti pannakipaset na iti naangay a 33rd APEC Economic Leaders’ Meeting idiay Shenzhen, China.
Karaman kadagiti intandudo na iti nawaya a trade, natalged a supply chain, ken ad-adu nga oportunidad para kadagiti Pilipino.
Inallukoy ti Presidente dagiti miembro a pagilian ti APEC a bigbigen iti edukasyon ken propesyonal a kwalipikasyon dagiti Pilipino tapnu nalaklaka iti panagbirok ti trabaho kadagiti dadduma a pagilian.
Impaganetget na met iti napateg a panagsuporta kadagiti micro-small and medium enterprises (MSMEs), panagaramid ti trabaho, ken panaglukat ti baro a merkado para kadagiti produkto ken serbisyo a Pilipino.
Maysa kadagiti napapateg a resulta iti panagbisita na iti trade deal ti Pilipinas ken Chile.
Nakaala met iti pagilian ti P41.1 bilyon nga investment pledges manipud kadagiti Chinese companies a posible a mangaramid ti nasurok 7,000 a trabaho para kadagiti Pilipino.
Segun kenni Marcos, makatulong dagitoy a katulagan tapnu mapaadu ti agpupuunan, pumigsa iti lokal nga industriya, lumawa iti trade, ken maaddaan ti adu a de-kalidad a trabaho kadagiti umili ti Pilipinas.











