Maysa kadagiti ipan-panakkel a legasiya ni Presidente Ferdinand Marcos Jr. iti panagleppas ti panangidaulo ti Pilipinas iti ASEAN Summit ita a tawen 2026 ket iti panangilungalong ken panangi-sapinal iti Digital Economy Framework Agreement wenno DEFA.
Segun iti Presidente, saan a kellaat a napagdesisyunan daytoy, ngem ketdi bunga ti sumagmamano a bulan a panagsagana, konsultasyon ken panagtataripnong kadwa dagiti pagilian a miyembro ti ASEAN nangrugi idi Enero ita a tawen.
Impaganetget pay ni Presidente Marcos a nakalukat dagiti miyembro a pagilian iti panangbukel ti maysa a katulagan a mangituding papel ken kontribusyon da iti rehiyon.
Nairantan ti nasao a katulagan a papigsaen ti panagtitinnulong ti ASEAN, kabilang iti panangpasayaat ti panangibinglay ti enerhiya, panagakar iti renewable energy, panagsagana iti possible a krisis iti langis, ken panangpatibker ti suplay ti taraon.
Para kenni Presidente Marcos, napateg ti panagkaykaysa ken koordinasyon dagiti pagilian tapno makabukel iti konkreto nga addang para iti longterm development iti rehiyon.











