BR LA UNION – Arestado iti 22-anyos a baro gaputi sangsangwenna a kaso a homicide wenno pammapatay idiay Barangay Santiago, Bauang, La Union.
Iti suspek ket nailinged iti nagan nga ‘Ampong’, awanan asawa, karpintero ken residente ti nasao a lugar.
Natiliw iti suspek babaen kadagiti kameng ti Bauang Police Station, iti bileg ti warrant of arrest, napetsaan ti Hulyo 15, 2025 nga impaulog ni Hon. Marlon Pagaduan Bacuno, Presiding Judge, Branch 67, Bauang, La Union.
Naiserbi ti warrant of arrest agarop alas 5:30 ti malem idi kalman, July 15, 2025.
Kabayatanna, umabot ti Php 120,000,000 iti inrekomenda ti korte a piyansa para iti temporaryo a pannakawaya-waya ti suspek.
Naipatungpal ti operasyon a maiyannurot iti Standard Operating Procedure ti PNP, nai-record babaen ti body worn camera, nabasaan ti Miranda Rights iti suspek, naiturong idiay Caba Rural Health Center para iti pannakataming na, ken naipasidong iti kustodiya dagiti otoridad para iti umno a disposisyon.
