LA UNION – Inarestar iti nagtipon a puwersa ti PNP ken PDEA iti maysa a 22-anyos a lalaki gaputi panagikot iti iligal a droga, bala, ken paltog.
Babaen iti naisayangkat a search warrant operation, sinukimat dagiti otoridad iti balay ti suspek, managan Dexter Lopez, addaan ti asawa, ti Barangay Cabalitucan, Luna La Union.
Nagresulta daytoy iti pannaka-kumpiskar dagiti otoridad iti maysa nga armscore a cal. 38 revolver nga addaan ti sumagmamano a pidaso ti bala ken maysa a transparent plastic sachet a mapapati a naglaun ti dried marijuana fruiting tops.
Iti agdama, iti suspek ket agtaltalinaed iti kustodiya dagiti otoridad ken manamnama a maipila ti kaso daytoy a panaglabsing iti R.A. 9165 ken R.A. 10591 ita nga aldaw.
