LA UNION – Arestado iti insayangkat a buy bust operation dagiti otoridad idiay Barangay Canaoay, San Fernando City, La Union, iti maysa a 22-anyos a baro a mabilbilang a Newly Identified Drug Personality.
Iti nasao a buy bust operation a pinagbinnuligan ti PNP ken PDEA Region One, ket inarestar da iti managan Jayson Siptemo, tubo ti Brgy. Tagmamipis, Calbayog, Northern Samar, ngem residente itan iti Barangay Catbangen ditoy syudad.
Nakumpiskar kenkuana iti ginandat na nga ilako a maysa a plastic sachet iti maatap a shabu, dua a recovered plastic sachet iti maipagarop a shabu, ken P500 buy bust money.
Iti suspek agraman dagiti nakumpiskar a droga ket adda itan iti kustodiya ti pulisiya.
Maisagsagana metten ti kaso a panaglabsing iti section 5 ken section 11 iti Article II ti R.A. 9165 maikontra iti suspek.
