BR LA UNION – Ilung-lungalong ni Paranaque 2nd District Rep. Brian Raymund Yamsuan iti House Bill No. 3215 wenno Magna Carta for Barangay Health Workers.
Mapatta-patta nga aganay 230,000 a barangay health workers iti intero a pagilian ti agnumar apaman a mapasingkedan a linteg iti House Bill 3215 wenno Magna Carta for BHWs.
Segun kenni Yamsuan, a nangputar iti gakat, tarigagay na a maikkan dagiti BHWs ti binulan nga honoraria a P3,000 agingga P5,000.
Kabilang pay kadagiti benepisyo iti sidong ti House Bill ket iti sumaganad:
– Hazard allowance a saan a bumaba iti P1,000 kada bulan
– Subsistence allowance a saan a bumaba iti P100 kada aldaw
– Transportation allowance a saan a bumaba iti P1,000 kada bulan
– One-time gratuity cash incentive a P10,000, para kadagiti BHWs a nakapagserbi ti saan a bumaba iti 15 tawen
– Insurance coverage iti sidong ti Government Service Insurance System
– Training, education, ken career enrichment programs
– Health benefits, kabilang iti otomatiko a Philhealth membership
– Leave credits
– Cash gifts
– Civil service eligibility para kadagiti BHWs a 5 a tawenen nga adda iti serbisyo
Impaganetget ni Yamsuan, a panawenen a subadan iti benepisyo ti saan a matukadan a kontribusyon dagiti BHWs iti panang-papigsa ti healthcare system.
