LA UNION – Arestado ti 27 indibidual iti insayangkat nga operasyon ti Criminal Investigastion Detection Group wenno (CIDG) Region 1 mainaeg kadagiti overpriced nga medical supplies idiay La Union.
Iti pannakaiuman ti Bombo Radyo La Union kenni Police Col. Richard Verceles, Assistant Regional Chief ti CIDG Region 1, kinuna na nga iti 22 operasyon nga inaramid dagitoy ket 27 iti natiliwda.
Kabilang pay kadagiti nakumpiskar ti operatiba iti nadumaduma a medical supplies nga agbalor ti P676,47 pesos.
Manipud iti nasao a (1) ti naaresto idiay probinsya tiLa Union; (12) idiay Pangasinan; (5) idiay Ilocos Norte; ken (4) idiay Ilocos Sur.
Kaaduan kadagitoy ket nasampaanen ti kaso nga adda pakainaegan na iti RA 7581 wenno Price Act ken RA 7394 wenno Consumer Act.
Dumanon met iti P3,000 agingga P90,000 pesos iti mabalin nga bayadan ti siasinoman nga aglabsing kadagiti nasao a linteg.
