Pinaglibakan iti Moro National Liberation Front (MNLF) nga iduldulin wenno ik-ikkan da iti proteksyon ni Senador Ronald “Bato” dela Rosa, kagiddan dagiti damag a mailemlemmeng iti senador babaen ti nabileg a grupo idiay Mindanao.
Kinuna iti MNLF nga awanan da iti pormal a relasyon kenni Dela Rosa, a mabirbirok gapo iti arrest warrant manipud iti International Criminal Court (ICC).
Innayon da nga awan iti natibker a basaran tapno maibaga nu miembro, kaalyado, wenno protektado iti grupo ti senador, nupay pagaammo a nasinged nga aggayyem iti founder da a ni Nur Misuari ken ni sigud a Presidente Rodrigo Roa Duterte.
Maipalagip a nagleppasen iti ultimatum iti Philippine National Police (PNP) kenni Senador Dela Rosa tapno sumuko, bayat nga ibilbilang latta isuna kas pugante iti Department of Justice (DOJ).
Kabayatanna, agur-uray met sadiay Korte Suprema iti petisyon ti kampo iti senador a maharang iti pannakaipaulog ti ₱50M-reward para iti pannakaarestar na.
