Pinatawan ti pannusa a 30 a bulan a pannakaibalud idiay United States ti dua a Chinese nationals kalpasan nga umamin ti gandat a panag-recruit kadagiti miyembro ti US military tapnu ag-espiya para iti Beijing.
binigbig ti US Department of Justice (DOJ) dagiti nasentensiyahan nga isuda Liren “Ryan” Lai ken Yuance Chen a napatawan ti tallo a tawen a supervised release.
Nangisyangkat dagiti dua ti “dead drop” cash payments nu sadino a mangibatbati dagitoy ti rinibu a dolyar kasukat ti impormasyong a mainaig iti US national security.
Rimuar kadfagiti dokumento ti korte a nangrugi a nagtignay dagiti dua a kas agent ti Ministry of State Security ti China idi Mayo 2021.
Nangala pay dagiti akusado ti ladawan ti naval facility, military recruits, ken active-duty sailors bayat nga agururnong ti personal a datos ti maysa a miembro ti US Navy.
Nangipila ti guilty plea ni Lai ken Chen kadagiti kaso a conspiracy to act as agents ken acting as agents of a foreign governmentnga awan ti pauna nga abiso iti US Attorney General.
