BR LA UNION – Inaklon ni Department of Justice Secretary Fredderick Vida nga awan pay ti baro a report seknan iti sangsangwen a reklamo ni Vice President Sara Duterte iti ahensiya.
Kinuna na nga agtultuloy iti panangamiris ti DOJ iti ‘draft resolution’ ti reklamo nga ‘inciting to sedition’ ken ‘grave threats’ kontra iti bise presidente.
Maipalagip nga idi Pebrero 2025 ket indatag ti National Bureau of Investigation dagiti reklamo a nadakamat kontra iti bise presidente.
Mainaig daytoy kadagiti pangta nga inebbatan ti bise presidente kontra kada President Ferdinand ‘Bongbong’ Marcos Jr, first lady Liza Araneta-Marcos ken sigud nga House of Representatives Speaker Martin Romualdez.
Iti maysa a press conference nga inaramid ti bise presidente iti nasao a pangta idi Nobyembro 2024, idi imbutaktak na a nangala ti mangpatay iti Presidente, ingkaso nga isuna ti umuna a mapatay.
Gaputi dayta, nakapenpen pay laeng ti reklamo a sedisyon kontra kenkuana, ken siniguro ni Justice Secretary Fredderck Vida nga ibinglay da iti report apaman nga adda baro nga addang seknan daytoy.
Iti panagsalodsod ti Bombo Radyo kenni Justice Secretary Vida, impaganetget ti sekretaryo a sabali iti proseso ti ahensiya iti isay-sayangkat nga ‘Impeachment Trial’ ti senado kenni Vice President Duterte.
Impaganetget ti sekretaryo a ti pokus iti ‘Impeachment Process’ ket pagsungbaten iti maysa nga ‘impeachable official’ nu adda naan-anay a basaran.
