BR LA UNION – Impaganetget ti kampo ni Vice President Sara Duterte a rumbeng nga i-respeto ti Quezon City Regional Trial Court iti agbalin a desisyon ti Korte Suprema seknan iti indatag da a petisyon.
Segun kenni Atty. Paul Lawrence Lim, abogado ti bise presidente, nu patgan ti kangatuan a pagukuman ti kadawatan da, kasapolan nga i-respeto daytoy ti nasao nga ukom.
Iti petisyon nga indatag ti bise presidente, kiniddaw na iti Korte Suprema a mang-isyu daytoy ti Temporary Restraining Order tapno malapdan ti pannakaipursige ti kaso a grave threats ken mawaswas iti impormasyon nga indatag ti Department of Justice.
Nupay nangidatag ti ‘Urgent Motion to Resolve’ iti akusado a bise presidente, iti agdama ket awan pay ti resolusyon ken agtultuloy a nakapenpen idiay Korte Suprema.
Maipalagip nga idi Biyernes, October 9, 2026 ket kinanselar pay laeng ti Quezon City Regional Trial Court Branch 98 iti panangibasa ti darum kontra kenni Vice President Sara Duterte gapu iti nakapenpen a mosyon ken petisyon ti kampo na.
