BR LA UNION – Tallo a nangangato nga opisyal ti gobyerno iti agserbi a caretaker ti Pilipinas bayat ti working visit ni Presidente Ferdinand Marcos Jr. idiay Singapore.
Dagiti caretakers ket isuda Department of Agrarian Reform Secretary Conrado Estrella III, Department of Justice Secretary Fredderick Vida, ken Executive Secretary Ralph Recto.
Nagluas ni Presidente Marcos, alas 8:10 ita a rabii, Oktubre 7, 2026, para iti lima aldaw a working visit idiay Singapore wenno agingga Oktubre 11.
Inimbitaran ni Singapore Prime Minister Lawrence Wong ni Presidente Marcos, iti tarigagay a mapabileg pay ti relasyon dagitoy pang-ekonomiya, agallokoy iti baro nga investors, ken talantanen dagiti dua a lider dagiti prayoridad iti ASEAN.
Nakatuding pay a dumar-ay ti Presidente iti 24th Forbes Global CEO Conference ken makitaripnong kadagiti global business leaders.
Manamnama pay nga agturong idiay Singapore Nuclear Research and Safety Institute (SNRSI) tapno adalen iti nuclear technology para iti long-term energy planning ti Pilipinas.
Kabayatanna, inimbitaran ni Prime Minister Wong ni Presidente Marcos nga agbuya ti F1 race.
Segun iti Philippine Embassy idiay Singapore, ti nasao nga imbitasyon ket saan a gastos ti gobyerno ti Pilipinas.
