Umabot iti 5,801 a mannalon iti Caraga ti nakaawat iti indibidual a titulo ti daga babaen ti SPLIT Project ti Department of Agrarian Reform (DAR).

Naiwaras dagitoy iti maysa nga aktibidad sadiay Buenavista, Agusan del Norte, nga indauluan dagiti opisiales ti DAR ken DAR-13.

Malaksid iti daga, nangipaay pay ti ahensia iti nasurok a P2.4 milion a gatad ti makinaria ken tulong iti pagbiagan kadagiti innem a kooperatiba dagiti mannalon.

Segun kenni DAR-13 Regional Director Merlita Capinpuyan, agtultuloy ti tarigagayda a mangpapigsa iti seguridad iti panagtagikua ken mangitandudo iti produktibidad ti agrikultura.

Dakkel met ti panagyaman dagiti benepisiario iti gobierno gapu ta dakkel a tulong dagitoy para iti pagtalonan ken pagbiaganda.