Mapagnumaran ton dagiti Agrarian Reform Beneficiaries (ARBs) sadiay Munisipalidad ti Umingan, Pangasinan ti napamayat nga access kadagiti merkado babaen ti maaramid a proyekto nga Farm-to-Market Road (FMR) ken rehabilitasyon ti maysa a rangtay.
Dagitoya a progreso ket makatulog kadagiti mannalon tapno nalaklaka a maibiahe dagiti apit ken produkto da.
Madama itan a mangisaysayangkat ti serye dagiti Pre-Construction Meetings ti Department of Agrarian Reform (DAR) Pangasinan Provincial Office, babaen ti liderato ti PARPO II a ni Charlotte Lasmarias ken ni PARPO I Reymond Niño Yu.
Karaman kadagitoy a panagtataripnong ket maipanggep kadagiti benepisyaryo a mannalon, representante manipud kadagiti lokal a gobierno ti Umingan, ken ti Department of Public Works and Highways (DPWH) tapno masiguro ti naan-anay nga implementasyon dagiti proyekto.
Ti inisyatiba ket pakairamanan dagiti 12 a Farm-to-Market Road projects a mangsakop ti pakabuklan a 5,479-meters manipud kadagiti 12 a barangay ti munisipalidad; dagitoy dagiti sumaganad: Diket, Annam, Cabangaran, Santa Maria, San Vicente, Cabaruan, Sinabaan, Gonzales, Pangang-gaan, Prado, La Paz, ken Cabalitian.
Kabayatanna, maysa met a bridge rehabilitation project sadiay Barangay Pangang-gaan ti mangpalag-an ti taray ti trapiko ken koneksyon kadagiti merkado.
Dagitoy nga infrastructure projects nga addaan iti pakabuklan gatad a P100-M ket babaen ti Agrarian Reform Fund (ARF) iti departamento.
Apaman makumpleto, dagitoy a proyekto ket mangbenepisyar kadagiti 3,190 a mannalon sadiay Umingan ken mangpataud ti ad-adu a produksyon-agrikultural ken oportunidad ti ekonomiya iti Pangasinan.
