BR LA UNION – Inrekomenda ti Department of Justice (DOJ) nga idatagan ti agtutuon a kaso dagiti 18 a sigud a bodyguard ken ti abogado dagitoy a ni Atty. Levito Baligod.
Dagiti nasao a kaso ket pakaibilangan ti innem a bilang ti cyber libel ken uppat a bilang ti perjury.
Nagramot iti reklamo manipud iti waragawag ken akusasyon ti grupo a nagitulod da iti maipagarop a minaleta a kuwarta manipud kenni sigud a Congressman Zaldy Co para kadagiti naduma-duma nga opisyal ti gobyerno ken personalidad.
Kabilang dagiti nangidatag ti reklamo kontra kadagiti 18 ex-bodyguards ken Atty. Baligod ket isuda sigud a Senador Antonio Trillanes IV ken dadduma pay nga opisyal a nangilibak iti akusasyon.
Nakailanad iti 42-pinanid a resolusyon ti DOJ nga aprubado iti rekomendasyon dagiti prosecutor nga isagpat dagiti kaso iti korte kalpasan ti insayangkat nga imbestigasyon iti press conference ken waragawag da online.
