LA UNION – Aganay 29 a Palestinians iti naipadamag a natay iti inyuswat nga airstrike ti Israel idiay Gaza.
Maibasar daytoy iti inisyal a report dagiti medic personnels iti nasao a lugar.
Maibasar iti report, iti inaramid nga airstrike ti Israel ket tapno naan-anay a makaabante iti naun-uneg a paset ti Jabalia dagiti tropa ti Israel, a segun iti international relief agencies ket rinibu nga indibidwal ti agdama a natrap iti nasao a siyudad.
Segun iti sumagmamano a residente, nakita da iti Israeli toops nga agtultuloy a mangbom-bomba iti amianan a paset ti Jabalia a pakasarakan ti kadackelan a refugee camp.
Iti las-ud ti 24 nga oras ket umaboten ti 19 dagiti natay, nanayunan pay daytoy ti 10 kalpasan a tamaan iti dua a babbalay idi rabii ti Sabado idiay Jabalia ken Nuseirat, nga isuti refugee camp idiay central part ti Gaza.
Kasaruno daytoy ket nangirwar ti maysa nga abiso iti Israeli troops nga umakar dagiti nabatbati a residente idiay northern edge ti Gaza agsipudta ibilang da ti nasao a lugar kas “dangerous combat zone”.
