Dumanonen ti 14 dagiti natay ken 37 ti nasugatan iti kabaruan nga airstrikes ti Israel idiay Lebanon, segun ti health ministry.
Karaman kadagiti biktima dagiti dua nga ubbing ken dua a babbai, bayat a maysa nga Israeli soldiers iti naipadamag a pimmusay.
Nagpakdaar ti Israeli military kadagiti residente nga umakar manipud kadagiti sumagmamano nga ili ken impaganetget a target ti operasyon dagiti kameng ken armas ti Hezbolla, gapo iti maipagarup a panaglabsing daytoy iti ceasefire.
Simmungbat met ti Hezbollah nga agtultuloy met ti panagrautda agingga agtultuloy iti operasion ti Israel iti teritorioda.
Laksid ti ceasefire nga indauluan ti United States, agtaltalinaed a nakapuy iti sitwasyon bayat nga agtultuloy iti sinnukat ti opensiba ti dua a dasig.
Segun iti report, dimmanon ti nasurok 2,500 iti pimmusay sipud idi timpuar iti laban idi Marso, karaman dagiti sibilyan, babbai, ken agtutubo.###
