Dinadael ti militar iti Israel ti underground infrastructure dagiti Hezbollah sadiay Ali al-Taher ridge, Daya ti Lebanon, tapno papigsaen ti security zone da iti lugar.
Iti waragawag da Prime Minister Benjamin Netanyahu ken Defence Minister Israel Katz ket naibatad nga agtalinaed dagiti tropa ti Israel iti rehiyon tapno lapdan iti panagbangon ken panagpapigsa manen iti Hezbollah.
Nakontrol itan ti Israel ti nasurok dua a kilometro a ruta a pangiduldulinan kadagiti rockets, missiles, drones, ken dadduma pay a war materials iti Badr unit ti Hezbollah.
Narikna dagiti napipigsa a panagbettak sadiay Nabatieh bayat nga agtultuloy iti operasyon laksid iti ceasefire agreement idi bulan ti Hunyo.
Awan latta iti sigurado ti saritaan-kinakapia gapo iti panagkedked ti Hezbollah nga ibaba ti armas da, kasta met a saan nga umanamong ti Israel nga umatras agingga saan a nadisdis-armaan ti grupo.
Manipud idi tawen 2023, nagipasdek metlaeng ti Israel kadagiti estratehiko a posisyon iti Dumaya a paset ti Lebanon kas buffer zone kontra ti pangta dagiti Hezbollah.
