BR LA UNION – Ballaygi ken natalged a nakaawid ditoy pagilian dagiti 15 a Pilipino manipud Israel, segun iti Department of Foreign Affairs (DFA).
Tinulungan ti Department of Migrant Workers-Overseas Workers Welfare Administration team ken Embahada ti Pilipinas idiay Tel Aviv dagiti nasao a pinoy workers iti panagawid da babaen ti Ben Gurion International Airport.
Daytoyen ti maikadwa a repatriation flight nga inurnos ti Embahada ti Pilipinas idiay Tel Aviv kalpasan a nagsubli iti normal ti operasyon ti Ben Gurion International Airport kasaruno ti tigil-putukan.
Naglugan dagiti Pilipino iti maysa a flight manipud Tel Aviv agturong idiay Bangkok sakbay da a naiyakar iti connecting flight ti Pilipinas a limmapag idiay Manila idi Kalman, Hunyo 5.
Segun iti DFA, manipud Pebrero 28 ket umaboten iti 235 a Filipino caregiver, hotel worker, menor de edad ken dependents, turista, pilgrim, ken estudyante iti natulungan ti embahada tapno makaawid manipud Israel.
