Naarestar dagiti 299 drug personalities babaen ti nagduduma nga operasyon nga insayangkat ti Police Regional Office 1 (PRO1) ditoy Ilocos Region munipud Hunyo 26, 2023 agingga Hulyo 2, 2023.
Daytoy ket babaen ti panangidaulo ni PBGEN John C. Chua, regional director ti PRO1, ket nagballigi ti 29 nga anti-illegal drugs operations a nangigubuay iti pannakaarestar ti 29 nga indibidwal.
Nakumpiskar ti 7.00 grams marijuana ken 28.843 grams ti shabu nga aggatad iti pakabuklan a P196,972.
Babaen ti kampanya kontra kadagiti wanted persons (WP), naarestar ti dua a Most Wanted Person ken 102 a dadduma pay a WPs wenno Wanted Persons.
Kabayatanna, nagballigi ti 10 nga operasyon a naisayangkat kontra kadagiti loose firearms a nagresulta iti pannakakemmeg ti 11 a personalidad.
Dumanon iti 93 deposited firearms, 8 confiscated firearms, 68 surrendered firearms ken 6 recovered firearms.
Iti met kampanya kontra iti iligal a sugal, naipatungpal ti PRO1 iti 46n nga operasyon a nagresulta iti pannakaarestar ti 155 indibidwal ken pannakakumpiskar ti P68,417.00 a balor ti bet money ken gambling paraphernalia.
Iti pakabuklan, dumanon iti kabuklan nga 299 a indibidwal ti naarestar babaen dagitoy nga operasyon.
Kabayatanna, babaen iti napairotan a kampanya kontra kadagiti Communist Terrorist Group (CTGs), simmuko kadagiti otoridad ti 10 a miembro dagiti Communist Group.
Kagiddan iti daytoy, agtultuloy ti nainget a panangsurot ti PRO1 iti 5-Focused Agenda ni PNP Chief Benjamin Acorda Jr.
