BR LA UNION – Arestado dagiti tallo a drug suspect iti insayangkat dagiti otoridad a buy-bust optn iti maysa a hotel iti Barangay Pagdalagan Sur, Bauang, La Union.
Napasamak ti operasyon idi Mayo uno, Labor Day, babaen iti nagtipon a puwersa ti Bauang Police Station, PDEA, ken dadduma pay a police unit.
Dagiti suspek ket nabigbig laeng a kas mekaniko, karpintero, ken maysa a maipagarop nga entertainer, agpapada nga adda iti umno nga edad ken residente dagitoy iti La Trinidad, Benguet ken Bauang, La Union.
Nakumpiskar manipud iti ikot dagiti suspek iti aganay 40 a gramo ti maatap a shabu nga addaan ti standard drug price a P272,000; 100 a gramo ti maatap a marijuana nga agbalor ti P12,000; maysa a caliber .38 revolver; uppat a bala ti caliber .38 revolver; maysa nga empty shell ti caliber .38; drug paraphernalia; ken dadduma pay a non-drug evidence.
Dagiti suspek ket naibalud ken sumangsango dagitoy ti kaso a panaglabsing iti RA 9165 wenno Comprehensive Dangerous Drugs Act of 2002 ken RA 10591 wenno “Comprehensive Firearms and Ammunition Regulation Act.”
