Nainget nga inlibakan ni sigud a Bangsamoro Parliament member Sultan Edrieza Nasser Rimbang iti alegasyon a karaman isuna iti panangpadas a mangipuslit ditoy Pilipinas ti ilegal a droga nga aggatad ti P3.5- bilyon a naggapo idiay Laos.
Nagturong isuna kadua iti abogado na idiay National Bureau of Investigation (NBI) tapnu mangited ti salaysay.
Kinuna na nga iti alegasion ket nangigubuay kenkuana iti pakababainan, buteng, ken trauma iti pamilya na.
Imbaga na met nga awanen iti rupa a maisango na iti pamilya gapu iti isyu.
Iti panagturong na idiay NBI ket tapnu mangited ti waragawag kas sungbat iti subpoena kenkuana.
Nakaawat met ti impormasyon dagiti abogado na a mabalin isuna a maarestar gapu iti nasao nga alegasyon.
Maipalagip a maysa ni Rimbang a maipagarop nga adda iti likudan iti naharang ilegal a droga manipud pagilian a Laos.











