Iti maysa nga statement, kinuna ti opisina ti Ombudsman a simmuko ni Felicito Guevarra, Presidente ti Samchan Foreign Exchange Corporation a sumangsango met iti plunder iti Sandiganbayan Third Division.

Kinuna ti opisina a simmuko ni Guevarra idi Nobyembre 19, kalpasan a kinanselar ti prosecution ti pasaporte na.

Iti agdama, agtultuloy met ti schedule ti kaso kontra kadagiti sabali pay nga akusado.

Bayat nga insubli metten ti Samchan Foreign Exchange Corporation iti Bureau of Treasury amin a kinita daytoy manipud kadagiti mapagduaduaan a transaksion.

Iti laksid iti daytoy, makuna a saan a mapunas ti criminal liability ti nasao a kumpanya ken saan met a rason tapnu agbalin a basaran daytoy ti immunity.

Naikkan ni Guevarra iti conditional immunity gapu ta kinunada a kasapulan ti testimonia ken rekord tapno maipasdek ti kinapudno iti nasao a kaso.

Karaman kadagiti naikeddeng a kondision ti naan-anay a pannakitinnulong ken panangipalgak iti kinapudno, panangi-turnover kadagiti rekord ken alikamen ti kumpanya, panagtalinaed iti pagilian ken iti sidong ti proteksion ti Department of Justice (DOJ).