LA UNION – Nagsagaba iti pannakadundunor ti tallo a motorista kalpasan nga mairaman dagitoy iti aksidente iti naduma a lugar ditoy La Union.
Nabigbig dagitoy nga isuda Elmer Nebuasa, 32, baro, resiedente ti Barangay Garcia, idiay ili ti Sto. Tomas; Lindon Nebuasa, 27, addan asawa, residente ti Barangay Sta. Rita West, idiay ili ti Agoo; ken Joseph Sobremonte, 24, residente ti Barangay Dili, iti ili a Bauang.
Immuna ditoy, nagdinnungpar dagiti manmanehuen a motorsiklo da Elmer ken Lindon nga agpada nga agturtueong iti amianan a direksyon idiay Barangay Patac, idiay ili ti Sto. Tomas. Gapu ti insidente agpada dagitoy nga naiturong iti La Union Medical Center para iti pannakatamingda.
Saan pay met nga ammo iti balor dagiti nadadael a motorsiklo.
Kabayatan na, naiturong met iti Ilocos Training Regional & Medical Center ni Sobremonte kalpasan a nagsagaba iti nakaro a sugat iti bagi na.
Iti pannakiuman ti Bombo Radyo La Union kenn Brgy. Paringao Captain Jp Ping-ay, agpada a daldalyasaten ti biktima a nakalugan iti motorsiklo na ken ti jeep a minaneho ni Benedict Bucayab, 37, addan asawa, ti Barangay Bucayab, kinuna a nagidissag ti pasahero ti jeep idi nga madungpar ti biktima iti kutit daytoy.
Kas resutla, nagsagaba iti nakaro a sugat iti bagi na ti biktima ken dagus nga naiturong iti pagagasan.
Gapu iti kinapigsa ti impact ti insidente ket naipurwak iti nasurok a 10 a metro iti motorsiklo ti biktima.
Kabayatan na, imbalakad met ni Brgy. Capt. Ping-Ay kadagiti motorista iti kanayun a panagannad ken panagusar ti helmet kabayatan iti panagmaneho dagitoy iti motorsiklo.
