LA UNION – Isagsaganan ti pusliya ti kaso a panagtakaw a maidatag idiay piskalya kontra kadagiti tallo a babbai a shoplifter a natili idiay uneg ti Save More Supermarket idiay syudad ti San Fernando, La Union.
Nabigbig dagiti suspek nga isuda Glory Javier, 27; Gemma Baldomar, 35; ken Lalaine Soriano, 47, agpapada nga agnanaed idiay syudad ti Baguio.
Naammuan ti Bombo Radyo manipud iti San Fernando City Police Office, nabuya dagiti security guard ti monitor iti CCTV camera ti inaramid a panagtakaw dagiti suspek isu nga inarestoda dagitoy.
Naduktalan met dagiti gwardya dagiti naduma-duma beauty products nga ilaklako ti supermarket iti uneg ti bag dagiti maipagarup nga agtatakaw nga agbalor iti P13,000.
