BR LA UNION – Nagpanawagan dagiti 30 a grupo dagiti negosyante ditoy pagilian a darasen a dusaen dagiti adda iti likod ti anomalya iti flood control projects.
Iti nagtitipon a waragawag dagiti 30 business groups, makita ti napalalo a pungtot da iti nadiskubre a nakaru a panagkurakot kadagiti proyekto ti gobyerno.
Maipaayan laeng ti hustisya dagiti Pilipino nangruna dagiti nakukurapay nu adda mabalud kadagiti mairam-raman iti kurapsyon.
Nakasagana da a tumulong a mangiruar kadagiti nagnumar iti panagtakaw kadagiti tattao.
Siniguro da nga agsapol da ti ebidensiya ti kurapsyon kontra kadagiti opisyal ti gobyerno tapno maidatagan dagitoy ti maiyannatop a kaso.
