Awananen iti biyag na idi masarakan ti maysa a lalaki iti syudad iti San Fernando, La Union kalpasan a maatap a nagbekkel.
Daytoy ti impormasyon a nakalap ti Bombo Radyo La Union manipud iti blotter iti San Fernando City Police.
Maibasar iti imbestigasyon dagiti otoridad, alas 8:10 itay bigat, nagresponde dagiti kameng iti SFC Police ken City Health and Wellness Center iti maatap a panagbekkel iti maysa a lalaki idiay Barangay Parian ditoy syudad.
Nabigbig ti biktima a 34 anyos a mister, karpintero ken residente iti Barangay Poro ditoy met laeng syudad.
Segun kenni Pol. Cpl. Francisco Baobaoen Jr, imbestigador ti SFC police, kinumpirma na a nasarakan iti bangkay a nakabitin iti maysa a kayo babaen iti maysa a misis a naiparna nga agjog-jogging iti nasao a lugar kasaruno ti panagpaarayat na.
Maysa a bakante a lote iti nasao iti nakasarakanda iti bangkay.
Sakbay ti insidente, nadlawan misis iti biktima nga awanen daytoy iti abay na idi a makariing isuna.
Kalpasan na, maysa a tanod ti nakakita iti biktima iti masakopan iti Barangay San Francisco nga agturong iti abagatan a direksyon agarop alas 5:00 iti parbangon.
Maipagarop nga adda ti pakainaigan na iti irekreklamo na idi a sakit na idiay likod ken maipagarop a sakit iti panunot na iti biktima ti makaigapu iti maatap a panagbekkel daytoy.
Kinumpirma met ni Dr. Romulo Monico iti City Health and Wellness Center nga awan ti sinyales iti a naparigat ti biktima.
Kabayatan na, ti nasao a bangkay daytoy ket naiturong iti maysa a punerarya ditoy syudad.
