Dead on arrival iti pagagasan ti maysa a lalake kalpasan ti napasamak nga aksidente iti kawatiwatan ti National Hihway ti Brgy. Paringao, Bauang, La Union idi rabii.
Nabigbig iti biktima a ni Leonardo Guerrero, 35 anyos, residente iti Barangay Nagrebcan, iti ili a Bauang.
Maibasar iti initial nga imbestigasyon manipud ti Bauang Police Station, ti biktima ket nagmaneho ti motorsiklo kabayatan a daldalyasaten na ti agpaabagatan a direksyon idi a kellaat a naidungpar iti maysa a konkreto a poste.
Maibasar pay iti report a gapu iti kinapigsa iti impact ti aksidente ket naipurwak ken nagsagaba iti nakaro a sugat a nakaigapuan ti pannakatay na.
Naamuan nga adda iti impluwensya ti arak ti biktima idi napasamak ti aksidente.
