BR LA UNION – Umabot iti uppat a contractors ti im-imbestigaran ita ti Commission on Elections (COMELEC) a nangted ti kontribusyon iti sumagmamano a senador idi 2022 elections.
Segun kenni COMELEC chairman George Erwin Garcia, duktalen da nu dagiti contractors ket addaan-da ti kontrata a naala iti gobyerno.
Kitaen da a naimbag nu dagitoy ket public work contractors.
Kaadwan kunana dagiti contractor ket negosyante isunga masansan nga ikabil da ket ‘businessman’ ken saan met a dagus a maamwan ti negosyo dagitoy.
Umabot met iti 42,000 nga Statement of Contributions and Expenditures iti ad-adalen ita ti Political Finance and Affairs Department ti Comelec nga insumite dagiti 2025 national and local candidates.
Maipalagip a naibutaktak idiay Senado nga adda sumagmamano a contractors iti flood control projects iti nangted ti donasyon para iti panagkampanya ti sumagmamano a pulitiko.
