Arestado ti uppat nga indibidwal pakairamanan iti maysa a Barangay Kagawad kalpasan dagitoy a maaktwan nga agayayam iti mahjong idiay Brgy. Paratong Norte, Bangar, La Union.
Iti naisayangkat nga Anti-Illegal Gambling Operation dagiti kameng iti Bangar Police, nakumpiskar manipud kadagitoy ti (1) set iti mahjong tiles, (2) pidaso a dice ken bet money a dumanon iti P670 pesos.
Agtaltalinaed iti kustodiya iti Bangar Police Station dagiti suspek bayat a maisagsaganan dagiti dokumento para iti pannakaipasidong dagitoy iti inquest proceeding.
Kaso a panaglabsing iti PD1602 wenno ti anti illegal gambling law ti kasangwen dagiti suspect.
Kabayatan na, dagiti nakimmeg nga agsusugal ket agtawen ti 40 a misis; 25 anyos a misis; Barangay Kagawad a 30 anyos; ken ti 23 anyos a balasang.
