Saan a madanagan ti 4Ps ken FPJ Panday Bayanihan Party-lists ti baro nga allagaden ti Commission on Elections (Comelec) mainaig iti panangiparit ti nagan ti partido a kapada dagiti “ayuda” ken “teleserye”.
Adda nagpadaan ti 4Ps wenno Pagtibayin at Palaguin ang Pangkabuhayang Pilipino party-list ken ti Pantawid Pamilyang Pilipino Program (4Ps) iti Department of Social Welfare and Development (DSWD).
Nupay kasta, inlawlawag met ni 4Ps Representative Marcelino Libanan a ti 4Ps ket masansan a termino a maus-usar para iti marketing ken kinaagpaysuananna ket ti DSWD iti nangtulad iti daitoy.
Segun met kenni FPJ Panday Bayanihan Representative-elect Brian Poe Llamanzares, nakadependen iti Comelec nu anya ti agbalin a desisyon da ken kinuna a ti nagan da met ket mangibagi iti “Food, Progress, and Justice”. Para kenkuana, napateg ti agtultuloy a panangirepresentar kadagiti marginalized ken dadduma pay nga underrepresented groups.
Kinunana nga uray FPJ ti nagan ti partido da ket pro-poor da met ken itantandudo da iti Progreso ken Hustisya (justice).
Mainaig iti dayta, ni Llamanzares ket anak ni Senadora Grace Poe, nga anak met ti pimmusay a nalatak nga aktor a ni Fernando Poe Junior wenon FPJ.
Idi aldaw ti Biernes ket inwaragawag ni Comelec chairman George Erwin Garcia a saanen a mapalubosan nga agparehistro inton sumaruno nga eleksyon dagiti party-list groups nga adda nagpadaan na kadagiti nagan ti “ayuda” ken “teleserye”.
Para kadagiti ipilit latta iti gasat da, nagballaag ni Garcia nga imando da iti panagsukat dagitoy ti nagan nu kayat da a makaala ti accreditation kas maiyannurot iti prinsipiyo ken plataporma da.
