BR LA UNION – Lima a pulis a kameng ti Provincial Mobile Force Company idiay Shariff Aguak ti kinumpirma a natay, maibasar iti impormasyon nga imbinglay ni PNP-BARMM spokesperson Capt. Steffi Salanguit.
Napasamak ti ambush idiay Barangay Mother Poblacion, Shariff Aguak, Maguindanao del Sur pasado alas 9:00 idi rabii, Marso 28, 2026.
Dagiti biktima ket agpapada a kameng ti 2nd Provincial Mobile Force Company ti Maguindanao del Sur PNP.
Maibasar iti report, nakalugan dagiti biktima iti PNP Mobile car nga addaan ti body number 767, idi tambangan dagiti suspek bayat nga agsubli koman dagitoy idiay Camp Datu Akilan, Maguindanao Del Sur Police Provincial office manipud iti panag-patrolya da idiay Shariff Aguak town proper.
Namwan a walo a pulis a nakalugan iti nasao a patrol mobile, lima kadagitoy ti natay a pakaibilangan da: Pat Kenneth Perocho, Pat Al-Fatah Marohom, Pat Amil Bangsa, Pat Arsenal Sivih, Pat Sayed Ridwan idinto a nakalasat da PLT Alfred Gregory, PSSg Adam Kamarudin Kansi, ken Pat Abubakar Lauban nga agdama a maag-agasan iti ospital.
