Al-allukoyen ti Alliance for Moral Advancement and New BARMM for All (AMANA-BARMM) ni Presidente Ferdinand Marcos Jr. a makitaripnong kenni Moro Islamic Liberation Front (MILF) Chairman Al Haj Murad Ebrahim sakbay iti Oktubre 30, 2026, tapnu maitandudo iti panagleppas ti nasurok lima a dekadan nga armado a rinnaut idiay Mindanao.
Segun kenni Sultan Alim Saad Amate, convenor ti grupo, nasurok 100,000 a biag iti napukaw gapu iti sigalot, aganay 14,000 a sigud a mannakigubat ti MILF iti agur-uray a makapagbaba ti armas, ngem awan pay ti proseso manipud idi Hulyo 2024.
Imbatad ti grupo a napateg iti pannakisarita tapnu maitandudo iti Exit Agreement ti pagbaetant ti gobierno ken MILF, a namnamaen a manglukat ti ad-adu nga oportunidad iti trabaho, panagpuunan, ken panagrang-ay idiay Mindanao.
Idi Oktubre 1, simmurat ni Murad kenni Presidente tapnu kumiddaw ti panakitaripnong.
Para iti AMANA BARMM, iti diyalogo ti tulbek ti panagkaykaysa ken napaut a kinakapia iti rehiyon.
