Pinirmaan ni Presidente Ferdinand Marcos Jr. iti Executive Order No. 130 a mangituktukon ti baro a sistema iti panagsuspendir ken panagtultuloy ti face-to-face classes, school activities, ken on-site work kadagiti pagadalan ken learning centers tunggal adda ti didigra wenno dadduma pay a peggad.
Iti sidong ti pammilin, maaddaan ti tallo a mekanismo ti suspensyon: otomatiko a panangipatungpal maibasar kadagiti ballaag dagiti ahensiya ti gobierno, suspensyon nga ideklara dagiti lokal a gobierno, ken temporario a suspensyon a mabalin a maipatungpal ti mismo a pagadalan maibasar iti lokal a sitwasyon.
Nakailanad met iti EO 130 a saan nga otomatiko nga isardeng iti panagadal nu sinuspendir iti face-to-face classes, nu ketdi, kasapulan a mangipatungpal dagiti pagadalan ti maiyannutop a learning continuity measures tapnu agtultuloy iti edukasyon.
Binilinan met iti Department of Education (DepEd), kabinnulig dagiti dadduma pay nga ahensiya, a mangiruar kadagiti implementing guidelines iti uneg ti 30 nga aldaw manipud iti bileg ti direktiba.
