Nagballaag ni Presidente Ferdinand Marcos Jr. iti sango dagiti local government unit (LGU) a dimmar-ay iti ceremonial turn over ti disaster rehabilitation and reconstruction assistance program funds idiay Palasyo ti Malakanyang idi malem Kalman, Nobyembre 5, 2026.
Iti mensahe na, imbaga ti Presidente nga adda iti P8.5 bilyon a pisos a pondo nga inlatang ti gobyerno para kadagiti lokal a gobyerno a naapektaran ti kalamidad ken didigra sipud idi 2024 agingga 2026, depende iti pagkasapolan dagitoy.
Impasagid ti Presidente a ti nasao a pondo ken kuwarta dagiti tattao, a naitanta para kadagiti nadidigra iti kalamidad, saan ketdi a pondo tapno pagnumaran dagiti agtakem a kayatna ti agpa-baknang, iti tengnga ti mapaspasaran a rigat dagiti tattao a biktima ti trahedya..
Impaganetget ti Presidente, a maipawil iti ghost projects, komisyon ken sub standard a materyales kadagiti proyekto.
Kagiddan daytoy, inallokoy na dagiti lokal a gobyerno nga agserbi kadagiti umili a sipupudno ken ipaay iti serbisyo a maiparbeng para kadakuada.
