Aganay 50% iti suweldo dagiti mangmangged nga kabilang iti no work no pay iti ited ti gobierno ti Canada.
Iti pannakiuman ti Bombo Radyo La Union kenni Mau Kristel Gaddao Chabot, taga Barangay Pagdaraoan, San Fernando City, ken agtatrabaho idiay Canada, kinuna na a daytoy ket financial assistance a maited kadagiti awanan ti trabaho.
Napartak laeng iti processing daytoy ken dagus nga maawat.
Agingga uppat nga bulan iti maited a financial assistance kadakuada.
Kabayatan na, saan met nga nairot iti nasao a pagilian nupay kasapolan a suroten latta ti social distancing gaputa adda dagiti police a kanayon nga agronronda ken agsapol ti ID.
Mainaeg ti sangsangwen a Covid 19, 85% kadagiti senior citizen iti nakaptan ti virus ken awan pay ti Pilipino nga apektado ditoy.
