Naibalud ti 52 anyos a lalaki kalpasan a kinemmeg dagiti otoridad gapu iti maipagarup a panangmolestya na iti kaanakan na idiay ili a San Juan, La Union idi rabii.
Nabigbig ti suspek a ni Jerry Radaza, 52 anyos, baro, laborer ken residente iti nasao a lugar.
Immuna iti daytoy, nagresponde dagiti kameng iti San Juan Police kalpasan a naipakaammo kadakwada ti insidente.
Iti salaysay iti menor de edad a biktima, kabayatan a matmaturog daytoy iti salas da, immabay ti suspect ken inungwan na daytoy. Maipagarup a nilabosan na ti biktima.
Nagpaarayat ti biktima iti pangamaen na, kasaruno iti dagus a pannakaarestar iti suspek. Nakumpiskar pay manipud kenkwana ti 1 pidaso ti plastic sachet nga aglaon iti dried marijuana leaves
Segun pay kadagiti otoridad nakainom ti suspek.
Sumangsango ita ti suspek iti kaso a panaglabsing iti RA 8353 wenno ti Anti Rape Law ken panaglabsing iti RA 9165 wenno ti comprehensive dangerous drugs act
Manamnama a maipasidong to ti suspect iti inquest proceeding.
