BR LA UNION – Pakabuklan a 53 nga Overseas Filipino Workers, karaman ti maysa a maladaga, iti nasubli ditoy Pilipinas manipud Israel babaen ti Etihad Airways Flight 332 a simmangpet idiay Ninoy Aquino International Airport Terminal 3 idi Huwebes, segun iti Overseas Workers Welfare Administration (OWWA),
Nangipaay ti OWWA, Department of Migrant Workers, ken Department of Health, iti taraon, pagdagusan, transportasyon, ken pinansyal a tulong kadagiti simmangpet a repatriates .
Naipatungpal ti repatriation kadagiti Filipino idiay Israel ken kabangibang a lugar kasaruno ti Israel-Hamas War, a nangrugi iti panagraut ti Hamas ken dadduma pay a militante a grupo dagiti Palestino idi Oktubre 7, 2023 idiay Gaza abagatan ti Israel.
Maysa a temporaryo a ceasefire ken prisoners swap iti panasingkedan ti Israel ken Hamas idi Enero 15, 2025, ket nagbalin nga epektibo idi Enero 19, 2025.
