CLICK THE IMAGE ABOVE TO PLAY THE VIDEO
LA UNION – Inarestar dagiti kameng ti Bacnotan Police Station iti maysa a mister ken drug surrenderer, iti naisayangkat a buy bust operation idiay Barangay Nagatiran, Bacnotan, La Union.
Iti suspek ket nabigbig iti nagan a Ponciano Peralta, 54, residente ti Barangay Quirino ti nasao met laeng nga ili.
Nakumpiskar manipud iti suspek iti 2 a plastic sachet ti maatap a shabu ken buy bust money.
Iti eksklusibo nga interview ti Bombo Radyo La Union kenni Peralta, pinalibakan na a kukua na dagiti nakumpiskar a droga, ngem inaklon na a sigud nga agus-usar ti illegal drugs.
Kinuna na pay a nagturong iti nasa o a lugar tapno i-deliver iti ilaklako na nga asuete.
Kabayatanna, kinumpirma iti Bombo Radyo ni PCI Reynaldo Soria, agdama a hepe ti pulisiya idiay Bacnotan, La Union a karaman ni Peralta iti drug watchlist ti PNP ken nabayagen nga irek-reklamo daytoy dagiti residente.
Malaksid dayta, impadamag pay ni Major Soria, a nakumpiskaran pay ni Peralta iti 10 a sako ti white sand idi Setyembre 17, 2017 a mapapati a nagtaud iti iligal a panag-quarry.
