BR LA UNION – Inwaragawag ti Department of Public Works and Highways (DPWH) nga adda pay iti 5,700 a flood control projects iti madama a mailep-leppas ita a tawen , malaksid laeng dagiti nakalinya a flood control initiatives para iti tawen 2026.
Kabilang ditoy dagiti river dike, flood walls, drainage systems, ken pumping stations.
Siniguro ni DPWH Secretary Manuel Bonoan a dagiti nasao a proyekto iti agbalin a longterm solution, a makatulong iti kinatalged dagiti residente, panangidur-as ti ekonomiya ken panagsagana ti pagilian kontra iti kalamidad.
Imbaga pay ti opisyal a malaksid kadagiti manarimaan a proyekto kontra layos, addan ti aganay 9,856 flood control projects iti nakumpleto manipud Hulyo 2022 agingga Mayo 2025 ken maus-usaren ti agdama.
Kinuna ni Sec. Bonoan a dackel ti naitulong dagitoy tapno makissayan ti panaglayos, nangruna kadagiti nababa a lugar, a sigud ken nakalned ti danum.
Kabayatyanna, makit-kita pay ti ahensiya a kasapolan a pabarwen dagiti drainage system idiay Metro Manila tapno makissayan ti perdisyon a gapwanan iti napipigsa a panagtudo.
Kinuna ni Bonoan, nupay operational dagiti pumping station, limitado met ti kapasidad dagitoy gaputa barado ken napunno ti pitak dagiti da-an a drainage system.
Maibasar iti naudi a panagamiris ti ahensya, mapatta-patta a 70 a porsyento ti drainage system idiay Metro Manila ket silted wenno napunno ti sediment.
Gaputi dayta, agsag-sagana ti ahensiya iti baro a plano para iti mas moderno a drainage system, kabinnulig ti World Bank, tapno masungbatan iti kumarkaru a problema iti layos.
