Innem manipud iti sangapulo a Pamilyang Pilipino ket ibilang da iti bagbagi da kas marigrigat, segun dayta iti Social Weather Stations (SWS) survey idi bulan ti Hunyo.
Ngimmato daitoy iti 58%, a nangatngato iti 12 points manipud iti 46% idi bulan ti Marso 2024, ken nangatngato pay manipud idi Hunyo ti tawen 2008 a dummanon ti 59%.
Kadagiti nadakamat a bilang, 16M iti mangikonkonsidera iti bagbagi da kas marigrigat idi bulan ti Hunyo ken 12.9M iti bulan ti Marso ti agdama a tawen.
Nairekord ti bilang iti self-rated poverty idiay Mindanao nga addaan iti 71%, sinaruno iti Visayas a dumanon ti 67%, Luzon nga addaan ti 52% ken ti Metro Manila a dumanon ti 39%.
Imbatad ti self-rated poor families a kasapulan da iti binulan a budget a P15,000 tapno saan nga ikonsidera iti bagbagi da kas marigrigat.
Naisayangkat ti baro a survey idi Hunyo 23 agingga Hulyo 1 babaen ti face to face interviews kadagiti 1,500 nga adult Filipinos.
