LA UNION – Nadun-dunor iti maysa a 6-anyos nga ubing a babai kalpasan a nadayamgus ti motorsiklo iti kawatiwatan ti Mc Arthur highway, sakop ti Barangay Lingsat, San Fernando City, La Union.
Iti biktima ket managan Lourdes Villamil, maysa a Grade-1 student, residente ti Barangay Carlatan ditoy syudad.
Nabigbig met iti respondent driver a ni Romeo Acunia, 34, addaan ti asawa, residente ti Cabaroan, San Juan, La Union.
Iti biktima ket agtultuloy a maag-agasan iti maysa a pribado nga ospital ti nasao met laeng a lugar.
Kabayatanna, nagtinnunos iti agsumbangir a benneg a solbaren ti kaso, babaen iti panagkari ni Acunia a sungbatan na amin a magastos ti pasyente iti panagpa-agas daytoy.
