LA UNION – Innem nga indibidual a maipagarop a baro a drug personalities iti inarestar dagiti elemento ti PNP, PDEA, kadwa da iti Intelligence Branch ti La Union Police Provincial Office iti tallo a nagsisina nga operasyon iti uneg ti maysa nga aldaw.
Dua nga anti-illegal drug operations ti insayangkat dagiti otoridad ditoy San Fernando City, La Union.
Idiay Barangay II, arestado iti 21-anyos a college student, nabigbig a ni Stanley Ducusin, residente ti Barangay Langcuas iti nasao a syudad.
Nakumpiskaran daytoy iti 3 plastic sachet iti maipagarop a dried marijuana leaves ken P500 buy bust money.
Idiay Barangay San Agustiun, uppat a lallaki iti arestado a pakaibilangan da; Gerald Rilloraza, 22; Gil Garcia, 35; Jose Fontanos, 25; ken Randolf Madayag, 29; agpapada a residente ti Barangay Taberna, Bauang, La Union.
Nakumpiskaran dagiti suspek iti 3 sachet ti maipagarop a shabu ken P500 buy bust money.
Kabayatanna, idiay Barangay San Pablo, Balaoan, La Union kinemmeg ti Balaoan Police iti maysa a 38-anyos a baro gaputi iligal a droga.
Iti suspek a nabigbig a ni Rey Guzman, ti barangay Baracbac Oeste, Balaoan, La Union ket nakumpiskaran iti dua a sachet ti maipagarop a shabu, P500 drug buy bust money ken maysa a traysikel.
Dagiti nadakamat a suspek agraman dagiti nakumpiskar a droga ken buy bust money ket naipasidong iti kustodiya dagiti otoridad para iti umno a disposisyon.
