BR LA UNION – Nakasublin ditoy Pilipinas iti innem a repatriated overseas Filipino workers manipud pagilian nga Iran.
Ti nasao a bilang dagiti Pilipino a mangmangged ket naapektaran ti riribok idiay Middle East partikular iti giyera ti Israel ken Iran.
Segun iti Department of Migrant Worker, lima kadagitoy ket agtrab-trabaho kas shrimp hatchery technicians idiay Iran bayat a maysa ti domestic worker manipud Dubai.
Indaulwan ni Overseas Workers Welfare Administration (OWWA) Administrator Patricia Yvonne Caunan iti pannakasabt dagiti nasao nga OFW idiay Ninoy Aquino International Airport (NAIA) Terminal 3.
Kadwa ni Caunan a simmabat ni Department of Foreign Affairs Undersecretary Eduardo de Vega ken Department of Migrant Worker Assistant Secretary Venecio Legaspi.
Dagiti nasao nga OFW ket naipaayan ti financial assistance manipud Department of Migrant Workers, Overseas Workers Welfare Administration, ken Department of Social Welfare and Development.
Iti nasao nga addang ti ahensya ket maiyannurot iti direktiba ni President Ferdinand Marcos Jr. a siguradwen a natalged a makasubli ditoy Pilipinas iti amin nga OFW idiay Middle East.
