Impanakkel ti Philippine government iti panangilungalong iti natalged a digital environment para kadagiti agtutubo iti intero a pagilian.
Daytoy ket iti tengnga ti napaspas a panagdur-as ti artificial intelligence ken dadduma pay a kabarwanan a teknolohiya a masansan a maka-apekto iti biag dagiti agtutubo.
Inaramid ni Department of Social Welfare and Development (DSWD) Secretary Rex Gatchalian iti waragawag kasaruno ti panagleppas ti maika-36 nga Association of Southeast Asian Nation (ASEAN) Socio-Cultural Community (ASCC) Council Meeting idiay Manila.
Impaganetget ti sekretaryo, a napateg a makipaset mismo dagiti agtutubo iti panang-determina kadagiti addang para iti online protection, tulong ken pannarabay ti gobyerno.
Para kadagiti nataengan a populasyon, imbaga ti sekretaryo a saan laeng a social pension ti rumbeng nga ipaayan atensiyon para kadagiti senior citizen.
Inlawlawag ti opisyal nga ilunglungalong ti Pilipinas iti konsepto ti Silver Economy tapno maaddaan kadagiti produkto ken serbisyo a mangipaay kadagiti nataengan iti gundaway nga agtalinaed nga aktibo ken produktibo.
